عبده حركات 7 - سلسلة مسلسلة لا تقرأ بتسلسل

عبده حركات : هات هات .. هاركنهالك أنا
متعجلاً جداً : بسرعة قوي يا عبده أحسن الطريق واقف بس هاتركنها فين ؟
عبده حوارات : علي اليمين هنا كده ...
ناظراً لليمين : فين يا عبده هو في مكان ؟
عبده حوارات : آه صحيح ... طب إيه ؟ أركنهاعلي الشمال ؟
ناظراً للشمال : فين بس يا عبده ؟ مافيش مكان برضه ... يا عبده بسرعة الناس بتتخانق
عبده حوارات :  ده فعلاً مافيش مكان خالص ... طب بص أنا هاشتريها منك ... هي راشة دواخل ؟!!
مشغولاً بالزحام : لأ مش راشة
عبده حوارات : طب هاتاخد كام ؟!
منتبهاً : كام إيه يا عبده أنا  مش هابيع !!
عبده حوارات : يا عم إنجز دانا باخدمك !!
متنرفزاً : مش هابيييييييع ...
عبده حوارات : و لا دلوقتي و لا بعدين ؟!
مؤكداً : مش هابيعها طول عمري
عبده حوارات : طب أنا هاتصرف ...
شاهقاً : يخرب بيت أمك يا عبده .. دخلت في الرصيف و دغدغت العربية ...
عبده حوارات : أدي الطريق مش أهوه و أنت طالما مش هاتبيع رش دواخل و خوارج  براحتك بقي !!