العندليب و الموجي
محمد الموجي : يعني اللحن ده بتاع منير مراد ؟؟
عبد الحليم : أيوة طبعاً ... هو أنا اتدخلت فيه شوية ... بس اللحن بتاعه .
الموجي : اتدخلت فيه ؟؟ ... يا حليم انت اديته أهم جمل في اللحن
حليم : مش للدرجة دي ... منير مراد ملحن شاطر
الموجي : هو أنا في منير شاطر و لا زفت ؟؟ ... يا حليم انت سرقت الجملة كلها مني
حليم : إيه اللي بتقوله ده يا موجي ؟؟
الموجي : إيه ؟ إتأثرت قوي ؟ انت إزاي متخيل إني هاسكت ع اللي انت عملته ... دي الأغنية مكسرة الدنيا ... حرام عليك يا أخي
حليم : حرام إيه يا موجي ؟؟ أنا عمري ما أعمل كده ... يمكن يكون اللحن علق في دماغي و من غير ما أحس استعملته
الموجي : اللي علق في دماغك مش اللحن يا حليم ... اللي علق في دماغك تمن اللحن اللي انت شايفني ماستحقهوش !!
قصة واقعية إلي حد كبير ... أغنية : بأمر الحب _ كلمات : مرسي جميل عزيز ( تقريباً ) و ألحان منير مراد
16 مارس 2013
posted by medhat 76 @ 8:46 م
0 Comments:
إرسال تعليق
<< Home