العندليب و ليلي مراد

بليغ حمدي : الحقيقة يا ست ليلي ، أنا عايز أطلب منك طلب و محرج شوية !!
ليلي مراد : خير يا بليغ ؟! ... لسه ماخلصتش اللحن و عايز أسبوعين كمان ؟ 
بليغ : لا لا اللحن خلص ... 
ليلي : أومال فيه إيه يا بليغ ؟!
بليغ : أصل ... الحقيقة هو الموضوع ليه علاقة باللحن ... بصي يا ست ... حليم سمع اللحن بس و الله غصب عني ...
ليلي : و بعدين ؟!
بليغ : هو أحنا بنجهز فيلم لحليم و هو شايف إن الأغنية دي لايقة جداً ع الفيلم ...
ليلي : بقي كدة ؟
بليغ : و الله يا ست ماهايحصل حاجة غير لما تكوني موافقة و راضية كمان ...
ليلي (ضاحكة ) : هي عادته و لا هايشتريها يا بليغ ... هو شاطر و أكيد الأغنية هاتبقي حلوة معاه
بليغ : لا طبعاً يا فنانة انتي تعلي أي لحن
ليلي : أنا موافقة يا بليغ دي مش عايزة سؤال ... قولتلي الفيلم إسمه إيه ؟!
بليغ : الوسادة الخالية يا ستنا ...
ليلي : ربنا معاكو و سلملي علي حليم
بليغ : أنا مش عارف أشكرك إزاي يا أستاذة !!

قصة واقعية علي فكرة للحن أغنية تخونوه ... كلمات إسماعيل الحبروك و ألحان بليغ حمدي
حوار : احمد مدحت :)))))