كلمات أغاني 9

Ahmed Medhat Selim

9 December at 10:27 · 

#كلمات_أغاني 9 (علشان الكلام الحلو ما يتوهش ف المزيكا)
#ع_الحلوة_والمرة #عبد_الغني_السيد

ع الحلوة والمرّة.. مش كنّا متعاهدين؟
ليه تنسى بالمرّة.. عشرة بقى لها سنين؟!

************
نسيت خلاص عهدنا.. ونسيت ليالينا
ونسيت كمان ودّنا.. ونسيت أمانينا

كان أملي فيك غير كده..
ليه تنسى ماضينا؟!
حرام عليك كل ده ..
شمّتهم فينا!!
راح تنسى كام مرّة .. وتفرّح اللايمين؟!

*********
أيامنا كانت هَنَا.. زايناها عشرتنا
وإيه أقول لك أنا.. غير بس قسمتنا
يا ناسي عهد الهوى ..
ليه تنسى فرحتنا ؟!
أنا وانت كنّا سوا..
يا ما احلى دنيتنا!!
راح تنسى كام مرّة .. وتفرّح اللايمين؟

**********
إزاي يهون حبّنا.. وتروح ما تسألشي؟!
دي العشرة عندي أنا.. غالية ولا تهونشي
وإن طال عليّا الأمل..
شاري ولا أبيعشي
ومهما طال الأجل..
حبّك ما بيضيعشي!!
راح تنسى كام مرّة؟!.. وتسيبني كام مرة؟!.. وتفرّح اللايمين؟!

#سيد_مرسي
الشاعر العظيم سيد مرسي له قصة كبيرة جدًا نحكيها مرة تانية بإذن الله.. لكن نفتكر مع بعض أعماله الجميلة زي: اشتروني (وردة)- ليالينا (وردة) - يا اولاد الحلال (وردة)- وحشتوني(وردة)- خليك هنا خليك(وردة)- على قد مايومها(وردة)- اسمعوني(وردة)- احضنو الايام (وردة)- والنبى وحشتنا (شادية)- لا يا سي أحمد (شادية)- خليكوا شاهدين (فايزة أحمد)- صعبان علينا (فايزة أحمد)- ردوا السلام (عفاف راضي)- يا حنين ياابو قلب حنين (مها صبري)- فاتت سنة (ميادة الحناوي)....

كلمات أغاني 8

Ahmed Medhat Selim

8 December at 10:14 · 

#كلمات_أغاني 8 (علشان الكلام الحلو ما يتوهش ف المزيكا)
#قلبي_لازم_يموت #سميرة_سعيد

قلبي لازم يموت.. أنا م النهارده عقل
لازم أكسب كتير.. لازم أخســـر أقـل
هو ده اللي أنا شفته وتعلمته منك..
هوده اللي أنا كنت خايفة أتعلمه!!
أيوه قلبي ماكانش بيفكر بعقل..
بس قلبك ..خانه وجرحه وعلمه
قلبي لازم يموت

*******
علمتني أحضن مشاعري.. وأخاف عليــها مـن الزمن
عايز مشاعر قد إيه؟.. عايز كتير؟!.. عايزة الثمن!!

وأنا باوعدك لو حتى طال بيا زماني
قلبي اللي مات عمره في يوم ما هايصحى تاني!!
قلبي لازم يموت

#بهاء_الدين_محمد
عم بهاء الدين محمد طبعًا معروف للكتير جدًا مننا، لكن نفكر بعض برضه بأغانيه الجميلة زي:
تترجى فيا (إيهاب توفيق)- عدى الليل (إيهاب توفيق) - الله يكون ف عونك ياللي (إيهاب توفيق)- ماجبش سيرتى (أنغام)- نفسى احبك (أنغام- بعتلى نظره (أنغام)- ليه سيبتها (أنغام) - كل ما نقرب (أنغام)- بتحبها ولا (أنغام)- يومين وعدوا (بهاء سلطان)- حبيبى وإنت بعيد (تامر حسنى)- إنتي اللي عملتي(تامر حسنى)- اخترت صح (تامر حسنى)- لو خايفة (شيرين - تامر حسنى)- خيط ضعيف (جنات)- حبيبى على نياته (جنات)- من هنا ورايح (جورج وسوف)- فى ناس(خالد عجاج)- ماتتغرش (خالد عجاج)- اصعب حب (خالد عجاج)- قال صعبان عليه (شيرين)- كتير بنعشق (شيرين)-
ولـ (عمرو دياب) حاجات كتير جدًا أشهرها: ادينى رجعتلك - قالى الوداع- لو عشقانى- حبيبى ياعمرى - انت ماقولتش ليه - تنسى واحدة- يدق الباب- أغيب أغيب - وهي عاملة إيه-أيوة انا عارف- ضحكت- قالتلى قول..

كلمات أغاني 7

5 December at 09:48 · 

#كلمات_أغاني 7 (علشان الكلام الحلو مايتوهش ف المزيكا)

#همسولي #لطيفة

همسولي عن خصامه.. كلام ييجي ربع ساعة
وحكولي إزاي قسي
وقالوا لي إنسى غرامه.. قلت لهم يا جماعة
وديه حاجة تتنسي؟!
أنساه؟! .. قال أنسى قال
مين ده بس اللي قال!!
ودي حاجة تتنسي؟!

***********

نسيانه مش بخاطري.. ده أنا فاكراه غصب عني
وهواه مش تحت أمري.. ولو أنه حته مني
ولآخر يوم ف عمري هافضل لحبه أغني

***********

حد بينسى حياته؟!.. ده هو يا ناس حياتي
أيامه مهما فاتوا.. بترجعهم آهاتي
وآثار حبه اللي فاتوا.. بقوا ثورة ف إحساساتي
أنساه؟!.. قال أنسى قال!!
مين ده بس اللي قال..
وديه حاجة تتنسي؟!

#عبد_الوهاب_محمد
عبد الوهاب محمد واحد من العمالقة وله مئات الأعمال الرائعة المعروفة للأسف المكان مش هايكفيها، وأشهرها: حب إيه (أم كلثوم)- ظلمنا الحب (أم كلثوم)- للصبر حدود(أم كلثوم)- فكروني (أم كلثوم)- قال إيه بيسألوني (وردة)- حنين (وردة)- قال جاني بعد يومين (سميرة سعيد)- مخاصمني بقاله مدة (شادية)- أغاني مسرحية ريا وسكينة- وعشرات الأغاني للطيفة التي تبناها فنيًا وكانت جميع كلمات ألبوماتها من كلماته حتى ألبوم تلوموني الدنيا 1998

كلمات أغاني 6

#كلمات_أغاني 6 (علشان الكلام الحلو ما يتوهش ف المزيكا)
أغنية اليوم اختيار صديقة البرنامج: لميس الخطيب 😀

#هو_إنتي_ليه_بعيدة_كده #ممدوح_بيرم
(من فيلم #هي_فوضى)

هو إنتي ليه بعيدة كده؟.. ومستحيلة بالشكل ده؟
فرحة حياتي ومرها.. أيامي بيكي عشتها
إنتي الحقيقة في دنيا زيف
وإنتي اللي دبت ف حبها.. باقدر علي الناس كلها
وبابقى قدامك ضعيف
وبتعندى وأنا.. أدوب نِدَا

************

قلبي على كفي افتحيه.. هاتلاقي صورتك ساكنة فيه
حتى وأنا ف قلبي المرار.. ماباشوفش غيرك ليل نهار
يا وردة مغسولة بندى
صافية ورقيقة وطيبة.. وبعيدة وإنتي قريبة
يامحيرة كل القلوب.. باكتب غرامك ع الدروب
وارسم ملامحك ع المدى
هو إنتي ليه بعيدة كده؟

***********

باصحى على صورتك وأنام.. وألقاكي ينساني الكلام
أرسم أمل يبقي سراب.. وأحلم بفرح ألقاه عذاب
وأنده يجاوبنى الصدى..
عاشق انا قلبي عنيد.. ومسيري هوصلك اكيد
والاقكي يا قمري البرئ.. لو حتي راح يخلص طريق
والقي طريق غيره إبتدا

#إبراهيم_عبد_الفتاح
الشاعر إبراهيم عبد الفتاح تخصص بشكل كبير في الأغاني الدرامية في الأفلام والمسلسلات زي: حين ميسرة- هي فوضى- ليلة البيبي دول- دكان شحاته- المش مهندس حسن- الريس عمر حرب- عسكر في المعسكر- أسرار البنات- ومسلسلات: الأدهم- أفراح إبليس- الدالي- كليوباترا- ريش نعام- سلسال الدم- ريش نعام.
وأغنيات: لما الشتا يدق البيبان (علي الحجار)- لما الكون بينام (حنان ماضي)- وإنت بعيد (حنان ماضي)- شباك قديم (حنان ماضي)- أنانية (خالد سليم)- مش عايزة القمر (أنغام)- وحدي (وردة).. وغيرها..

كلمات أغاني 5

#كلمات_أغاني 5 (علشان الكلام الحلو ما يتوهش ف المزيكا)

#لحقتيني #هيثم_شاكر

فات عمري مني كإني قبلك ما اتولدتش
دي الحاجة اللي أنا بس عايزك تعرفيها
فات عمري مني.. ومن حياتي ما استفادتش
غير لما شوفتك جنبي.. ومشاركاني فيها

لحقتيني من التوهة اللي واخداني..
من الوحدة اللي قاتلاني..
من الغربة اللي جوايا..
من التوهة اللي تعباني..
ومن أيام كانت دايماً معانداني!!

*********

لحقتيني..
وأنا لقيتك مدفية.. حياتي.. لما إتداريتي فيا
سنين عمري اللي قبليكي..
علي سنين عمري بعديكي..
عشان احبك دي فترة مش مكفية!!

*********

مين في الحياة إلا إنتي ممكن أعيش عشانه؟..
حُبك ده كان آخر أمل في الدنيا ديّه..
ايه إلا حضنك ممكن أتدفى في حنانُه؟..
فين إلا جنبك قلبي يتطمن عليا؟..

#نادر_عبدالله
الشاعر نادر عبد الله من الكبار أوي ومعظم أغانيه معروفة جدا وناجحة، زي:
ريحة الحبايب (عمرو دياب)- خلينا نشوفك (عمرو دياب)- كنت في بالي (عمرو دياب)- لو تعـرفوه (إليسا)- حكايتي معاك (إليسا)- أيامي بيك (إليسا)- يا عـالم (إليسا)- أواخر الشـتا (إليسا)- تصدق بمين (إليسا)- / ماتعـرفش ليه(إليسا)- عينك ع اللي رايحة (شيرين)- بطــمنك (شيرين)- بكلمة مـنك (شيرين)- أخـيرا إتجرأت (شيرين)- رايح بيا فين(آمال ماهر)- أنا برضو الأصل(آمال ماهر)- من السنة للسنة (آمال ماهر)- حـب ميئوس منه (سميرة سعيد)- ماأضمنش نفسي (سميرة سعيد)- احـتمال وارد(سميرة سعيد).. وأغاني تاني كتير للمطربين دول ولغيرهم زي فضل شاكر وسعاد ماسي وحماقي وأكتر..

كلمات أغاني 4

#كلمات_أغاني 4 (علشان الكلام الحلو مايتوهش في المزيكا)

#بننجرح #محمد_منير

ببنجرح كل يوم لكن..
لكن بيفْرِحنا
إن انت جوا القلب.. ساكن..
ساكن في أفراحنا

*******

وإنت الأمل في العيون..
والنشوة ساعة الجنون
وإياك تكون زيهم..
تروح وتجرحنا
ده أنت الوحيد منهم..
تقدر تريحنا!!

#محمود_رضوان
الشاعر محمود رضوان له أغاني تانية كتير زي: أشعار مسلسل اختفاء (2018)- إنت ماشي بجد (ديانا كرزون)- الوحدة والظنون (هاني عادل)- ليله طال (شاندو)- تتر جراب حواء (مي كساب)-عم مينا (فرقة وسط البلد)- القاسية (وسط البلد)- والله ماعايز (كايروكي) - قبل الوصول (كايروكي)- اللي رموني فيك (فيروز كراوية)... وغيرها

كلمات أغاني 3

#كلمات_أغاني 3 (علشان الكلام الحلو ما يتوهش في المزيكا)
#ملطشة_القلوب #مصطفى_شوقي

على فين العزم إن شاالله؟.. وإيه اللي قطع لك نومة؟
ده لولاش الستر من الله .. مكانتش قامت لك قومة!!

لسة لك عين تدوب؟.. مانتاش عايز تتوب؟..
ده البر ماهوش أمان.. والعشق مالوش ضمان

ده رهان على حدف طوب..
ونشانك سهمه خايب!!
يا ملطشة القلوب.. يا جلاب المصايب

***********
هاتقولي إيه؟ هُس يجيك أوا.. دخلك منين سرسوب الهوى؟
هتروح يومين وتجيلي جريح.. تقولي دبَّر حق الدوا !!

دواك فضّى الجيوب ..
وخلى الناس تعايب!!
يا ملطشة القلوب.. يا جلاب المصايب

***********
مش كنا قولنا مفيش من كذا؟.. فُتنا الغرام ونصبنا العزا
رجعت تاني ف عهدك ليه؟.. هي القلوب كييفة أذى!!

ده الكدب أبو العيوب..
يا مُهر.. وحبله سايب!!
يا ملطشة القلوب.. يا جلاب المصايب

#صابر_كمال
الشاعر: صابر كمال ليه أغاني تانية جميلة زي: قالك ندم (عمرو دياب)- أنا موجود (مصطفى حجاج)- هدنة (أنغام)- حكايات الحب (تامر حسني)- العقده اتفكت (تامر حسني)- حال الجريح (جورج وسوف).. وغيرها..

كلمات أغاني 2

#كلمات_أغاني 2 (علشان الكلام الحلو ما يتوهش في المزيكا)

#باب_موارب #مصطفى_قمر

خللي بينا باب موارب.. طرف خيط وما تسيبوش..
حتي لو كان كلمة حلوة.. شايلها ليا في ذكرياتك
اثبتت بعض التجارب.. ياما ناس ما اتعوضوش
حتة من روحك بتمشي.. لما ييمشوا من حياتك

وسيبني أعيش على أمل إن إنت راجع.. حتي لو مش ناوي ترجع
أصل فكرة إني مش هاخدك في حضني.. فكرة بتموت وتوجع!!

*********
لسه هانكون ولا كنا؟.. ده اختيارك وإنت شوف
لسه؟.. ولا بقينا سيرة؟.. بقينا سيرة في حكاياتك
قلبي ما مشيش من مكاننا.. لو في يوم حسيت بخوف
بابي دايما ليك مواربه.. خلي ديه في حساباتك

وسيبني أعيش على أمل إن إنت راجع.. حتي لو مش ناوي ترجع
أصل فكرة اني مش هاخدك في حضني.. فكرة بتموت وتوجع!!

كلمات #أسامة_مصطفى
أسامة مصطفى ليه أغاني جميلة زي: معدي الناس (عمرو دياب)- قمر إيه (عمرو دياب)- جنب حبيبي (عمرو دياب)- على حبك (عمرو دياب)- ملكة الإحساس (إليسا)- - كمل لوحدك (تامر حسني)- فرق في حياتي (رامي جمال)- وغيرها طبعا

كلمات أغاني 1

#كلمات_أغاني 1 (علشان الكلام الحلو ما يتوهش في المزيكا)

#مخلصة #كارول_سماحة

سلمت عليه..
وأنا ماسكة نفسى وقتها
علشان ما أبانش..
قصاده غيرانة منها..
واعمل كأنه ماكنش..
فى بيننا غرام
وكلمتين.. وسلام سلام..

يادوب مشى وإدانى ضهره..
كل الدموع نزلتها

وده كان..
حب وغرام سنين
واتلخصولى فى كلمتين:
اخبارك ايه؟!.. يارب تبقى كويسة!!..

وهى سألت: تبقى مين؟
رديت عليها أنا السنين..
واحدة كانت مخلصة!!
****
انا جيتلك ليه.. وجرحت نفسى.. وهنتها؟
ده ما تستاهلش ولا ثانية واحدة وقفتها..
ولادمعة نزلت من عنيا فى يوم عليك..
طب ايدها شيلها من ايديك..
ماتستاهلش كمان غيرتها
لا حبى ليك ولا حبها!!

وده كان..
حب وغرام سنين..
واتلخصولى فى كلمتين:
اخبارك ايه؟!.. يارب تبقى كويسة!!..

وهى سألت: تبقى مين؟
رديت عليها: أنا السنين..
واحدة كانت مخلصة!!

#محمد_جمعة
(محمد جمعة صاحب أغاني رائعة زي: كبرّتك على سيدك ( أصالة )- فين حبيبي ( أصالة )- وحشانى بلادي ( كارول سماحة )- حضنى ( كارول سماحة )- افتكرت (إليسا)- بسمع اسمك بدمع ( إليسا )- بيّنك وبيّنى ( تامر حسنى )- عين شمس ( تامر حسنى )

مهما كان الطريق صعبًا، ومهما فشل قبلك السائرون، لا تتوقف..
إن وصلت، فأنت المختار..
وإن فشلت، فلا تتصور أنك لم تفعل شيئًا.. بل تيقن أنك قد أضفت بفشلك لأسطورة صاحب المعجزة المنتظرة..